پاکستان میں کورونا وائرس کی قسم اومیکرون کے پھیلاؤ کا سب سے زیادہ اثر کراچی میں دیکھا جارہا ہے جہاں کورونا کیسز مثبت آنے کی شرح 15 فیصد سے زائد ہوگئی ہے۔

اس ضمن میں پارلیمانی سیکریٹری صحت سندھ قاسم سومرو نے کہا کہ اگر کورونا کے کیسز کی شرح یوں ہی بڑھتی رہی تو سخت اقدامات کرنے پڑیں گے، خدشہ ہے آئندہ ہفتے سے ہسپتالوں پر بوجھ پڑنا شروع ہو جائے گا۔

حکام کے مطابق کراچی میں سب سے زیادہ کورونا کیسز ضلع شرقی میں سامنے آ رہے ہیں جس کے بعد دوسرا سب سے زیادہ متاثر ہونے والا ضلع جنوبی ہے۔

L

ایک بیان میں صوبائی صحت حکام نے کہا کہ گزشتہ روز 24 نمونوں کی نیکسٹ جنریشن سیکوینسنگ کی گئی جن میں سے 21 نمونوں میں اومیکرون ویرینٹ کی تشخیص ہوئی۔

دوسری جانب محکمہ صحت سندھ نے بتایا کہ کراچی میں اومیکرون ویرینٹ کی شرح 87 فیصد سے بڑھ چکی ہے۔

وفاقی وزارت صحت کے حکام کے مطابق کراچی میں گزشتہ روز 5 ہزار 168 ٹیسٹ کیے گئے جس میں 780 افراد وائرس سے متاثر پائے گئے۔

Leave a Reply